في
ثروناو عندما خرّبت قتهب
والله ماكنت أقصد لكن هم مايعرفون يبرمجون
TL;DR على قولة مازن
سويت بوت بسيط بإستخدام GitHub API عشان يسوي Commit/pull/review/merge بدالي بهدف إني أضبط الرسمة هذي اللي تطلع بالبروفايلات
شغلت البوت وبدا يسوي كوميت بسرعة لدرجة إن قت هب مو ملحّق انه يسوي ابديت لبروفايلي ف صارت صفحتي ماتشتغل
https://www.github.com/mo9a7i
ف طاح قت هب
رابط الريبوات اللي لها علاقة بالموضوع كلها بآخر الصفحة تحت
وبس والله 😇
النسخة الطويلة من الموضوع
سويت بوت عشان يسوي الشي اللي تكلمت عنه فوق, لان بصراحة الرسمة اللي عندي ماعجبتني كلها خط واحد, كنت أبيها مربع كامل ومتعيجز أسوي ميرجات وريفيوات وبولات واجد
إذا كان فيه طريقة أسهل اني اضبط الرسمة, ليش لا؟
ففكرت وفكرت وليتني لم أفكر، المهم، كنت محتاج إني أٍسوي ثنتين ريبو، وحدة اللي بتمسك برنامج البوت، والثانية اللي البوت بيشتغل عليها
طيب إذا البوت بيشتغل على ريبو، لازم يسوي كوميت وكذا، وش نخلي يسوي كوميت له؟
فكرت إني أسوي ملف ال readme.md يكون عبارة عن ساعة
يعني يعرض الوقت الآن بتوقيت السعودية ف كل دقيقة البوت يسوي تحديث عشان تصير الساعة مضبوطة والناس اللي يعتمدون عليها مايتلخبطون لان تعرفون فيه ناس بتصوم بناءً عليها وتفطر بناءً عليها, ومانبيهم يصومون للأبد ولا يفطرون للأبد
إذا مافهمت آخر سطر كتبته فوق عادي لا تدقق، حتى انا يوم قريته مرة ثانية مافهتمه
المهم
استخدمت جافاسكربت طبعاً (نود) علشان البوت، واستخدمت مكتبة @octokit/rest وسويت التوكين حق الآي بي آي واتكلنا على الله
سويت الريبو اللي بنشتغل فيها
وسويت برانش فرعي عشان نسوي عليه الكوميت ومنه نسوي بل ركويست ونسوي عليها ريفيو بعدين ندمجها بالبرانش الرئيسي
لان كل هالخطوات نحتاجها إذا نبي الرسمة تصير مربعة
كانت خطوات العمل كالتالي
الكود يسحب اخر نسخة من ملف الريد مي، يسوي تحديث للي بين الأقواس ويسوي بش للبرانش الجديد بعدها يفتح بل ركويست بعدها يكتب تعليق على البل ركويست ك ريفيو بعدها يعمل ميرج
اشتغل الكود وبدت الرسمة تتعدل شوي شوي
شوي شوي
شوي شوي
وانا كل شوي ادخل صفحتي اشيكها
مع الوقت، التحميل حق الصفحة صار ابطأ شوي، واحيانا يعلق وبعد الريفريش يفتح، استغربت صراحة بس قلت اكيد مساكين ، فترة رمضان، والعشر الآواخر، اكيد سيرفرهم عليه زحمة من كثر الناس اللي يسوون بوشات (ماكنت أدري إني أنا اللي جايب العيد)
المهم، يوم من الأيام اعتقد إني نمت واجد وفاتني وقت طويل ماسويت فيه ريفريش ، صحيت سويت ريفريش الصفحة ماتشتغل
يمين يسار، ماتشتغل
شيكت حسابات الشباب كله شغال, صفحة قت هب الرئيسية شغالة،
على طووول رحت للبوت حقي باشوف اللوق، يمكن فيه إيرور ولا شي
طلع شغال ماعليه
رحت أشيك الريبو اللي فيه الوقت، شغالة سليمة
بسم الله 😯 وش اللي صاير مدري
قلت يمكن يبيله شوي ويشتغل, اليوم الثاني, الثالث, الرابع ماشتغل
قلت لاااااااااااااااااا الكلام هذا ماينسكت عنه لازم اروح اشتكي عندهم
الحقيقة اني كنت خايف اكلمهم صراحة قلت لايكون مسوي لهم مصيبة ومحرق سيرفرهم 💻🔥 والحين المطافي والشرطة🚔🧯 قاعدين يحققون بالموضوع ولو اقرب منهم بيقفطوني على طول
شاورت الذيب مطلق، وك عادته، يحب التكويك، كوكني ورحت فتحت تذكرة مع الدعم الفني حقهم (طلع عندهم دعم فني تخيلو)
اخذوا يومين ماردوا علي
قلت يمكنهم لسى يطفون الحريق
المهم، فكرت (مدري ليش لسى قاعد افكر انا كل مافكرت سويت مصيبة) المهم قلت هذولي أكثر ناس حقين أوبن سورس ومصادر مفتوحة
خلني أشيك الكود حق موقعهم يمكن الاقي سبب اللود هذا
وابحث بالأكواد والريبوات حقت قت هب نفسه، مالقيت شي للصفحة الرئيسية
لاحول ولا قوة الا بالله شسوي؟ ودي انشب لهم بس أحس مصختها كل شوي حاط لهم رد بالتذكرة عشان ارفعها فوق (نظام منتديات)
المهم تشجعت وقلت خلني اهاوشهم واحسسهم بالفشلة شوي, وإذا كنت مخالف عادي راس مالها بلوك بكرة اسوي ايميل جديد وافتح يوزر جديد
كتبت لهم، للحين ماعرفتوا سبب المشكلة؟ يمكن بق بالكود حقكم، هل كودكم مفتوح المصدر اذا ايه عطوني رابط بشوفه ودي القي نظرة
ردوا علي إنه مهندسينا شغالين على هذا البق، وهو بق من طرفنا وبالنسبة للكود ف ماهو مفتوح المصدر
بيني وبين نفسي قلت وششششششششششششششششوووووووووووووووووووووو 😲
اكبر منصة لمشاركة الأكواد مو مشاركين كودهم؟ ياعيبااااااااااااااه
المهم وللحين والله قاعد انتظر موقعي يفتح لان صراحة بديت أخسر عملاء وزوار (خف علينا يابل قيتس)
حسابي ماهو مبلك وما اعتقد إني خالفت اي شي من قوانين قت هب
هذا رابط البوت للمهتم js_buwajd_api_cronjob_bots
وهذا رابط الريبو اللي نشتغل عليها time_now
التعليقات