وش ذالسمعة السيئة؟

فجأة كذا وبدون سابق إنذار, قاعد أبحث عن Mo9a7i.com في النت
ابي اشوف احد يحبني ماحد يحبني وش السالفة!
إلا فجأة كذا والاقي هالموضوع : traidnt.net/vb/

هههههههههههه عام 2007, يا اللــــــــــــــــــــه وش كنت متعشي البارح ؟؟؟ إيه متعشي بيتزا على حساب خويي أشوى إني مانسيت!

اللي مايعرف الصقر يشويه عموماً,
الظاهر إذا ماني غلطان, ذيك الفترة كان موقعي مخترق, وواحد حاط صفحة مزورة للهوتميل على موقعي ولاطش له إيميل إيميلين.

وجايك واحد غشيم شاف عنوان الموقع موصاحي ف خلاص موصاحي هو اللي لاطش إيميلي.
أنا ما أنكر خبرتي بالإختراق, عندي خبرة بهالأمور , إختراق أجهزة مواقع إيميلات وهالخرابيط (هالكلام طبعاً قديم شوي ماني متابع للجديد) وأغلبها كنت اسويها من باب التجربة وأذكر لطشت إيميلين أو ثلاثة لأصحاب لي إستهبال يعني ورجعتها لهم.
وكم موقع إخترقته , ماعلقت إندكس عليه زي مايسوون الهكرز هاليومين (إندكس يعني كاتب عبارات تم الإختراق ومن هالكلام)
كل اللي كنت أسويه لما ادخل الموقع أقرا الخرابيط اللي فيه وافتش شوي فقط أرضي غروري على مايقولون, إني قدرت أوصل هنا واطلع.

على الرغم من هذي الأمور مستـحيل أكون أنا اللي لاطش إيميل الأخ اللطيف هذا.
بالعادة الهكر, مايكون له موقع, وإذا له موقع مايحط عليه فضايحه ويسوي دعاية لنفسه إنه هكر.

أغلب مواقع الهكرز تكون تعلم عالإختراق أو حاجات ثانية, مو أداة تستخدم للإختراق.

ف السمعة الحلوة اللي حطوها لي لو يبحث أحد عن موقعي, صراحة شي كويس ههههههههههههه هذا اللي ابيه انا,,, 🙁

عالعموم, اللي حاب يشوف تاريخ موقعي أو تاريخ اي موقع ثاني, صور منه وكذا, يجرب هالموقع
[https://web.archive.org/web//mo9a7i.com](https://web.archive.org/web//mo9a7i.com)

في النهاية, أتمنى إن كان هذولا اللي بالموضوع تضرروا عن طريق موقعي وقروا هالرسالة يسامحوني, إن كان فعلاً أنا وناسي ف أنا آسف.
وأيضاً أنا آسف إن كان شخص إستخدم إسم موقعي بأي شكل من الأشكال وضركم.

وبعد الإعتذار يسمح لي أقول, ياخي من الدلخ اللي بيسوي تسجيل دخول لإيميله الهوتميل من موقع دومينه موصاحي ؟

جات فترة من الفترات كانت قافلة معاي من موقعي وحطيت هذا التصميم بالواجهـة : https://web.archive.org/web/20070926210131/https://mo9a7i.com/

فيه بعض الملاحيس بالمنتدى اللي قبل شوي انا حاط رابطه, يحسب إن موقعي مخترق بهالفترة وقاعد يقول هو مايعرف بالإختراق ويبي يخترق الناس.

لو بغيت أخترقك ذيك الحزة طلعت لك من بزبوز موية مطبخكم يارجال مو بس إيميلك, هذي صفحة أنا حاطها بنفسي ولو تقرا بالكامل بتعرف.

ومع هذا, ما أنكر إنه حالياً ممكن أي طفل من أطفال الهكرز يطلع بحركة جديدة ويخترق جهازي أو موقعي, الثغرات موجودة وتطلع بإستمرار وهذا خطر لابد منه لأي مستخدم إنترنت, ف كـبر عقلك شوية واتوقع إنه كبر مابين 2007 إلى الآن ف أعتذر إني حشيتك حش قبل شوي وانت عاقل الحين, ((يلعن ابو اللحسة)).

وبس!