iMo9a7i جوال الرياجيل

طبعاً أنا من الناس اللي يحتقرون البلاك بيري ويحتقرون حامله ومستخدمه وبائعة والمعين عليه والمشجع له وكل من تسول له نفسه إنه يقترب من هذا الجهاز أو ينظر بنظرة رضا إلى أي شخص آخر موافق على هذه التقنية الخائسة!

لكن , هذا مو موضوعنا, موضوعنا إني كنت برضه ماني مقتنع بالآي فون, كنت اشوفه جوال عادي مثله مثل اي طابوقه أخرى من الجوالات اللي ينشق المخبى من ثقلها وماكنت متحمس له ابد, يعني شي عادي (اهم شي إنه مو بيدين المبزرة)

لكن, دعت الحاجة في أحد الأيام إني أفكر واخطط واتدبر في مسألة إني أشتري لي أيفون, لغرض واحد فقط كنت محتاجه اللي هو , برنامج من برامجه إسمه iWHMCS تبع شركة http://www.whmcs.com مالكم بالطويلة , البرنامج هذا ممكن مايهمكم لكنه كان يهمني أنا

iphone

سويناها وصكيناه وما أدراك مالذي صكيناه iPhone 3Gs ويااااحبي له كلها ساعتين من يوم شريته وانا اللي اندعس من حبه ياااااااااالبا خراطيش شاشته وحس سماعته. فعلاً ماينلام صاحب الايفون اللي وسوس بالأيفون , هذا فعلاً جهاز الرياجيل مو البلاك بيري عليه اللعنة

هذي طبعاً الخواص الجديدة اللي اضافوها , غير القديمة اللي كانت منه وفيه الجهاز سعره صحيح غالي شوي («مادفع شي من جيبه) بس إنه فعلاً لو ادفع فيه 5 الاف , سعره فيه.

بكل بساطة, السر هو , البرامج والتطبيقات اللي تقدر تركبها عليه علشان أسهل عليكم الموضوع, بحط لكم البرامج اللي انا ركبتها ووظيفة كل برنامج إيش

نبدا بإسم الله:

طبعاً هذي بس البرامج اللي انا مركبها حتى الآن, الألعاب ماقلت لكم عنها لان فيه له ألعاب كثير وفيه برامج أكثر , وفيه بعض البرامج تخص الجهاز نفسه ف ماذكرتها هنا لانها كثير بعد.

الجهاز منه وفيه فيه iPod بحيث تقدر تحمل اغانيك او مقاطعك الصوتية وترتبها على حسب الفنان أو الألبوم وتشغل فيه فديوهات

فيه حاجة عجبتني كثير في الأيفون وهي حاجة ممكن استخدمها بال iPod , حاجة إسمها iTunes U , هذي مايحتاج لها برامج ولا شي , أقدر أنزل محاظرات جامعية أو حاجات زي كذا عالأيفون بمختلف المجالات(الهندسة,الفلسفة,الإدارة,التجارة…..إلخ) واحطها عالأيفون , إذا كنت فاضي وجالس خمس دقايق ماعندي سالفة(وهذي العادة) أركب سماعاتي واشغل احد هالمحاظرات الخفيفة واقعد اتسمع لها وأحيانا يكون معها عرض فديو.

الجهاز أكثر من رائع وأنصح أي أحد يسرق 3000 ريال ويروح يشتري له واحد

هذي صور للبرامج اللي انا مركبها

x x x x

اللي عنده إستفسارات أو أسئلة يتفضل وفيه عالم ثانية كثير ممكن ترد عليه

واللي عنده إضافات أو تصحيح على الخرابيط اللي انا حطيتها أو عنده برامج حلوة للأيفون , حياه الله

التعليقات