في
Chocolatey
تشوكولاتي، يالبيه بس مع إنه مايصلح لي مسوي دايت بس يقولون مفيد
هالبرنامج اشوفه واجد في الدروس حقت البرمجة والجافا سكريبت بالذات وقت تركيب نود جي إس واشياء اساسية مثل كذا
وللأمانة ساحب عليه
لان دايم اقرا شرح لتركيب برنامج معين, يقول للتركيب على وندوز سو كذا كذا كذا واذا ودك تشوكولاتي طق هنا, واسحب على امه الزبدة كثرت طواريه هالبرنامج
لييييييييييييين الفترة الأخيرة، مع إفتتاح مركز الكفاءة إي والله الله يبارك فيكم وكذا المهم, بداية الموضوع كانت من اللي قبل مركز الكفاءة, من أيام كفاءة العرض أما ماكنت تدري؟ الله يبارك فيك بعد ومشكور
المهم، كنت مسؤول عن البنية التحتية للآي تي في البزنس هذا، فحاولت أسويه بأسهل طريقة ممكنة للمستخدمين والموظفين, وإضطريت أتعلم على تقنيات واجد ماكنت اعرف عنها إلا إسمها، مثل:
- Active Directory
- NAS (Qnap) / SMB / File Servers / Print Servers
- Switching / Routing
- Windows Server شغلات ثانية
- أنظمة الكاميرات
- أنظمة حظور وإنصراف
المهم، وحدة من التحديات كانت كيف تسوي سيتب لكمبيوتر جديد بنفس القوانين حقت الكمبيوترات القديمة كلها ونفس البرامج الأساسية والإعدادات الإساسية وخلافه
إختصرت الموضوع واستخدمت Ninite أيام كفاءة العرض وكان عدد الأجهزة تقريبا حدود العشرة فوقها تحتها شوي
الآن مع التوسعات وزيادة الموظفين، للأمانة ضاعت الطوشة شوي، صار فيه موظفين آي تي يغطون مكاني بحكم السفر وخلافه، ومو بكل صغيرة وكبيرة بيقعدون ينتظروني
فيه أجهزة تركبت من أبراج الدوسري دايكرت لين وصلت لليوزر (وندوز أسلي على قولة ابو عابد)
وفيه أجهزة سوينا لها تركيب محلي بتوجيهات خفيفة عن بعد، لكن بشكل عام، التركيبات ماكانت عالمزاج ولا عالستاندرد ولا بنفس نظام التسمية اللي كنا مسوينه 100%
بحثت عن طريقة لتركيب البرامج ريموتلي على كمبيوترات الكلاينت من السيرفر ولقيت نفس الدروس الصعبة اللي كنت الاقيها قبل، واللي تحتاج منك تعدل على القروب بولسي وخرابيط مالي خلق اقرا فيها صراحة
بحثت بحثت وكالعادة اخر أمل كتبت في قوقل
Ninite Alternatives Open Source
وأطيح لك على اللي بالمقارنة فرررررررق بينه وبين غيره من الخيارات، تشوكولاتي
البرنامج هذا عبارة عن إيش؟
تعرف App Store ؟ قوقل ستور ؟ هواوي ستور ؟ وندوز ستور ؟
طيب إذا إنت فنان شوي, تعرف Yum ؟؟ تعرف apt-get ؟؟
هذا زيهم للوندوز
إذا إنت من الناس اللي عندك عدة برامج تركبها دايم بكمبيوتراتك وحاب تتابع الأبديت حقها وتحفظ القائمة وتنزل النسخ الأصلية من محلها, هذا التشوكولاتي لك
عطه نظرة
ماراح اكتب شرح برنامج هنا, لكن كل اللي بحطه ريحة شوي من المشاكل اللي حلها لي، وفي إيش ممكن ينفعني زي ماشفتوا فوق
حالياً
قاعد أركبه بكل كمبيوتراتي
وبما إني جيت متأخر عاللعبة شوي وكمبيوتراتي اصلا مليانة برامج
تشوكولاتي لما يركب, ماراح يستوعب البرامج الموجودة ولا راح يراقبها ويحدثها لانها تركبت بدونه ومن قبله
الحل اللي قاعد اسويه حالياً هو إني أشوف قائمة البرامج اللي بكمبيوتري يدوي واروح ابحث عنها بتشوكولاتي واركبها (overwrite) بحيث إنه النسخة تصير مسجلة بتشوكولاتي واقدر احدث البرامج بضغطة زر وحدة
متعب الموضوع شوي بس يستاهل
عموماً، عشان تركب تشوكولاتي تحتاج تفتح power shell ك أدمنستريتر وتطبق الأمر التالي
Set-ExecutionPolicy Bypass -Scope Process -Force; [System.Net.ServicePointManager]::SecurityProtocol = [System.Net.ServicePointManager]::SecurityProtocol -bor 3072; iex ((New-Object System.Net.WebClient).DownloadString('https://chocolatey.org/install.ps1'))
وبس سلمك الله, سكر الشل والكوماند لاين وافتحه من جديد والآن صار عندك أمر جديد تقدر تستخدمه اللي هو
$choco
طيعا لتركيب برنامج مثلاً قوقل كروم تكتب كذا
$choco install googlechrome
وعشان تمسح برنامج تستخدم الأمر
$choco remove googlechrome
وإذا ماتحب الكوماند لاين فيه واجهة يبيلك تركبها بالأمر التالي
$choco install chocolateygui
إذا حاب تبحث بالبرامج الموجودة عندهم استخدم هالرابط
Chocolatey Packages
لكن إنتبه ممكن أي أحد يرفع نسخ مشبوهة، إبحث عن البكجات الموثوقة والمعروف مصدرها واحفظ اساميها للإستخدام الدائم
تحياتي
التعليقات