اييييييييييه, وجاك التطبيق ياموصاحي

وأخيراً,,
بعد سنين وسنين من التفحيط في ذالجامعة اللي ماحلاها ربي
جربنا تخصصات مختلفة
من الفيزياء لهندسة الكمبيوتر للإدارة
أخذنا من كل بستان قطرة والتخصص اللي مايجوز لنا نغيره وكان الوضع فله لين بدينا نشوف الشباب كلن تخرج وتزوج وجاب عيال ومات وماتوا عياله وحنا لسا نطقطق بهالجامعة

هانت وماعاد باقي غير ذالتطبيق الله يستر منه
الخوف إن كل اللي درسته والسوالف ذي كلها ماتسوى قرش بالتطبيق لووول
او الخوف إنه ماحد يدري أنت وش درست أصلاً

بس بيني وبينكم
الواحد يشوف له وجيه سنعة بذالتطبيق بدال ذالتماسيح اللي نصبح ونمسي عليهم لنا 5 سنين

تحت صور من الجامعة اللي درست فيها
أحلى شي إستفدته من ذالجامعة إني تعرفت على ناس, سرابيت نوعاً ما لكن بذكاء
بروفيشنل بس بنجاسة
يعني الزبدة إنهم دوافير وفلة وهذا أغلى شي اخذته من هالجامعة,

وهذي صورة ثانية

وهذا البرج وما أدراك مالبرج

تشاو