التسليك

مــاهو التسليكـ ؟؟

التسليكـ : هو ان تعطي المتحدث جوه يعني تمشيله وتحسسه انك مهتم ومتحمس لسالفته وانت منتب يمه او دآإري انه تسذوب او سآإمج

أحكــام التسليك

ـفيه احكام لـ التسليكـ . . خلنا ناخذها بالترتيب :

تسليكـ واجب

• هذا التسليكـ لما ابوك ولا امك قاعدين ينكتون وانت تضحك وتسلكلهم غصب . . حتى لو كآإنت النكته سامجه لكن واجب تضحك لان لو ماضحكت يعتبر من عقوق الوالدين
• مثلا لو خويك قاعد يتلاسن هو وواحد ثاني وجاء خويك وذب ذبه على اللي يلاسنه . . في ذا الوقت واجب انك تضحك حتى لو كانت الذبه سامجه لانه خويكـ

تسليكـ مستحب

• هذا لما تقابل واحد من زمان ماشفته او تقابل واحد اول مره تشوفه او واحد توكـ متعرف عليه وقال لك نكته . . المستحب انكـ تسلكله حتى لو هي سآإمجه

تسليكـ فرض كفايه

• هذا لما يشرح المدرس درس واجب على الطلاب يسلكون له حتى لو مافهمو الشرح علشان يخلص بسرعه . . فلو سلكـ طالب واحد سقط التسليكـ عن الطلاب الباقين

تسليكـ حرآإم

• هذا لما خويك او اي واحد يقعد ينكت على العالم ويذب عليهم من وراهم وانت تضحك وتسلكله هذا يعتبر حرآإم لانه من الغيبه

متى تترك التسليكـ وتبدا بـ التزبيد

التزبيد هو أن تعطي بالوجه, تقوم بالتسديد, في منتصف الجبهة يعني فيه شي يخليك تترك التسليك وتقعد تزبد لـ العالم . .

مثلا واحد دايم يفقش عليك ويعطيك من الرخيص وانت عارف انه كذوب بس تسلكله . . عاد انت طفحت من كثر ما يكذب . . في هذي الحاله اتركـ التسليكـ واقعد ازبدله وقل له مع احترامي لك انت كذاب « بالله وين الاحترام فيه . . هذا النوع ماينفعله الا التزبيد وصدقني انت مسوي فيه خير، انت سلكله في البدآإيه بس اذا شفته زودها علطول ازبدله

فلسفــــــه

التسليكـ شي حلو ويجعل المجتمع مترابط اكثر واكثر ويعم بالسعاده على افراد المجتمع لأنك تعطي المتحدث جوه وهو يحبكـ لانه يحسبك متحمس مع سالفته . . وهذا الشي يجعل المجتمع يسود بين ارجآإئه المحبه والألفه . . انا شخصيا احب اللي يسلكلي بس مو مره يعني يسلكلي في وقت الازمآإت . .

مــا يستفــاد

لازم تسلكـ بس مو مره يعني على خفيف لاتنكت وآإجد ولاتسولف وآإجد لان بيجي اليوم اللي يزبدون لك الناس فيه يجب عليكـ التحلي بـ الاخلاق السعوديه