في
Revo Uninstaller لمسح البرامج من وندوز
الكثير من مستخدمين وندوز واللي لهم خبرة أو يحبون تركيب البرامج ومسحها بشكل دوري يعانون من بعض المشاكل عند إزالة بعض البرامج , فيه بعضها يدبل التسبد ولا يطلع من الجهاز ,, يبقى بعض المدخلات بالريجستري Registry ويبقى بعض الملفات والمجلدات داخل ال program files ومجلد الـ system, بإختصار : بعضها نشبة
أداة تركيب ومسح البرامج من وندوز طبعاً هي العلة, ماتعرف تتعامل مع مثل هالمواقف , وعملية مسح البرامج فيها مختصرة على تشغيل الملف التنفيذي اللي يجي مع البرنامج ووظيفته مسح البرنامج
مبرمجين البرامج ما اغفلوا هالنقطة وسووا برامج وظيفتها إنها تمسح هالبرامج عن بكرة أبيها
طبعاً أنا اليوم بجيب لكم أحد البرامج اللي عجبتني واللي احسه خفيف وبشرح كيف أنا إستخدمته
وكل واحد يقدر يتفلسف فيه ويجرب براحته
انا من الناس الملاقيف اللي يحبون يجربون حتى لو اجيب العيد بجهازي اهم شي جربت شي جديد , وكل غلطة بتعلومة على ماقالوا
البرنامج إسمه
Revo Uninstaller
بعد تحميل البرنامج تفكون الضغط طبعاً وبيطلع لكم التالي , واللي يهمنا بالموضوع هو المحدد بالأحمر
هذي واجهة البرنامج
إذا كان جهازكم وندوز , قد يطلب منكم البرنامج إعطاءه صلاحيات ( عطوه عطوووه لا تردونه خلوه يتدلع )
طبعاً أنا حددت أحد البرامج بشيله من جهازي علشان أمشي معاكم بالخطوات البسيطة حقت البرنامج
حددت البرنامج من تحت زي ماهو واضح بالصورة
وبضغط الزر اللي محدد بالأحمر فوق Uninstall
بعد الضغط عالزر بيطلع لنا التالي:
ياعيني عالأدب
البرنامج يستأذن, يقول صحيح طال عمرك ؟ ودك تمسح هالبرنامج ؟
قول له يس يور هاينس
بيطلع لكم زي اللي بالصورة هذي
أنا شخصياً اختار اللي بالأحمر
- الخيار الأول يقول لك نمسح البرنامج عن طريق الملف التنفيذي اللي معاه (يعني بالعربي زي مايمسحه الوندوز مسح طبيعي , ماستفدنا شي)
- الخيار الثاني يقول يشغل الملف التنفيذي العادي اللي بالخيار الأول بالإضافة للتشييك عالرجستري والملفات الملحقة اللي تبقى بعد البرنامج (الوضع السريع)
- الخيار الثالث يقول يشغل الملف التنفيذي العادي اللي بالخيار الأول بالإضافة للتشييك عالرجستري والملفات الملحقة اللي تبقى بعد البرنامج بشكل مكثف (الوضع أبطأ شوي , بس صراحة مالاحظت بطء)
- الخيار الرابع يقول يمسح البرنامج بأقصى وأقوى شي بالعالم, وهو أبطأ شي , ماجربته , تقدرون تجربونه إنتم
طيب اخترنا الثالث وطقينا نكست
بيطلع لنا كذا
هذي أول خطوة اللي هي بيشغل لك الملف التنفيذي العادي اللي يمسح البرنامج بشكل عادي, طبعاً طقوا يس وكملوا الخطوات بشكل طبيعي كأنكم تمسحونه من وندوز
بعد ماتنتهون طقوا نكست بيطلع كذا:
لما يخلص طقوا نكست زي اللي بالصورة السابقة
الآن بيجيب لكم سجلات الرجستري الناشبة: سووا مثل اللي بالصورة بالضبط
طقوا Select All , بعدين Delete بعدين بيسألكم متأكدين طقوا yes بعدين Next
بعد هالخطوة ممكن يجيب لكم الملفات إن كان باقي ملفات بالجهاز
سووا مثل الخطوة السابقة
في الأخير بيطلع لكم كذا
طقوا Finish وإنتهينا
أتمنى إنه نفعكم
تشاو
التعليقات