Netlogger.exe لتحميل الصور

من منكم مايعرف أو ماقد سجل بأحد مواقع الشبكات الإجتماعية < ياشيني إذا شسمه فصحى مواقع التعارف مثل هاي فايف , نتلوق , فيس بوك , تاقد , وندر « ترا الأخير نصبة , بس عشان اسوي نفسي أعرف شي إنتم ماتعرفونه

المهم , مادري إحنا فينا شوية لحسة مخ وحب التقليد الأعمى وتتبع القطيع على ماقالوا مع الخيل ياشقرا جاك إيميل مكتوب فيه سجل معنا أو صديقك ينتظر إضافتك ماتصدق على الله على طول تروح تقفل باب الغرفة وتدخل الرابط وتسجل وتقعد تهندس بملفك الشخصي ثم تبدا الفرفرة والصياعة بين البروفايلات, تميلح على هذي , وخرفنة عند هذي , وسب عند هذي

لو تلاحظون عاد فيه عندنا شباب أذكياء البنت اللي يتميلح عندها ويتخرفن عندها معناها مايبيها البنت اللي يبيها يقعد يسبها ويهزئها علشان بعدين يجي يعتذر منها ويسوي نفسه كان فاهم غلط بالرسايل الخاصة وأنا آسف وحقك علي واقدر اسوي واسوي وأنا أصلاً فيني وفيني لوووول

المهم , المواقع هذي مادري شقول لكم صراحة بس الملوك إذا دخلوا قرية أفسدوها وحنا العرب كلنا ملوك طبعاً , ف كل مادخلنا قرية أفسدنا أبوها والعالم الحين كله قرية صغيرة , ف ترانا أفسدنا العالم ياناس , هدوا اللعب شوي مالكم داعي قسم بالله الامريكان قاعدين يسوون دراسات وزحمة علشان يرقعون ورانا.

المهم مالكم بالطويلة انا كنت أحد المفسدين في الأرض وأمر الله علي يوم من الأيام واسجل بأحد هالمواقع السخيفة اللي هو netlog.com واقعد اهندس لي بروفايل واطالع في بروفايلات الناس علشان اسوي زيهم. لقيت اللي قاعد يهايط بفلوس , واللي حاطة صور نعول عيال حارتهم , واللي حاط لي صور دم يقال له الإنسان الإنتحاري اللي قافلة معه الدنيا وصاير vampire ووووو , المهم إني ماقصرت بنيت بروفايلي بناءاً على كل هذي السواليف علشان أرضي جميع الأذواق

الزبدة البروفايلات في هذي المواقع ,منها نوعين

المهم , الواحد تحكه يده كل ماشاف بروفايل مقفل , وده يضيف عشان يتفرج عالصور ووده يعرف وش اللي داخل وإذا أمر الله وإنقبلت الإضافة ودخل وشاف المحتوى , تندم إنه تعب هالتعب لانه ماهو محصل إلا (طووووط) يملا وجهه لووول ف إكتشفت شغلة بالنتلوق تسمح لك إنك تطلع الصور حقت النتلوق كل ابوها وتنزلها بجهازك

سواء خاصة (بروفايل مقفل) أو عامة (بروفايل مفتوح) أو واحد رفع صورته يبي يشوف شكلها وماعجبته وسوا لها مسح.

كل الصور طبعاً محفوظة

وضبطت لي هال Netlogger.exe اللي يجيب لك مافي بطن النتلوق كله.

اللي مايعرف يستخدمه لايزعجني كيف وسو لنا درس ومدري كيف ,

اقعد خربط بالبرنامج وتتعلم , كله برمجته على بعضه ما أخذ نص ساعة , بتتعبني معاك اربع ايام اقعد اشرح لك كيف تستخدم ؟ مايصير ياخي :p

المهم انتم مالاحظتوا إني كثرت كلام ماله داعي ؟

لاني مادري من وين ارفع الملفات لووول

اعرف ارفع صور بس الملفات العادية مادري وينها

دقيقة بالله

..

إيه هذا هو يالله
NetLogger.exe

الرابط ماعاد يشتغل ياجماعة, اللي أسس نتلوق مات, والمبرمجين ماتو, وحقين السيرفرات ماتو, والزوار صارو شيبان الحين, وبعضهم ماتو, وانت لسى تحاول تنزل الملف ؟

اتمنى إنه يكون بسيط ويعجبكم

تشاو

التعليقات